प्रस, वीरगंज, १४ पुस/
लायन्स क्लब अफ वीरगंज सेन्ट्रल सिटीको आयोजनामा आइतवार वीरगंज महानगर–१६ स्थित अनामिका चाइल्ड भिजन स्कूलमा आँखा तथा दाँत शिविर सम्पन्न भएको छ ।
लायन्स सिटीका भ्वाइस डिस्ट्रिक गभर्नर रामबिहारी पाण्डेले शिविरको उद्घाटन गरेका थिए । एभरेस्ट दन्त क्लिनिक र किरण आँखा अस्पतालको सहकार्यमा आयोजित शिविरमा पिजीदेखि कक्षा २ का १२० जना विद्यार्थीहरूको आँखा र दाँत परीक्षण गरिएको थियो । चाजना विद्यार्थीको आँखामा समस्या देखिएको बताइएको छ ।
कार्यक्रममा लायन्स सिटीकी सुशीला साह, देवन्ती साह, कविता खड्का, सुगन्धी कुशवाहा, डिएन अग्रवाल, नरोत्तम पाण्डे, स्कूलकी सञ्चालिका अनामिका मिश्र, रेडक्रसका अभिलाष गुप्तालगायतको सहभागिता थियो । यसैगरी, किरण आँखा अस्पतालका प्राविधिक गुडिया महतो, कविता पोखरेल, राजकुमारी भण्डारी, एभरेस्ट दन्त क्लिनिकका प्राविधिक डा डिल्लीराम भण्डारी, डा बाबुजान अलीलगायतले प्राविधिक सहयोग गरेका थिए ।
