प्रस, वीरगंज, १३ पुस/
पर्सा र बारामा गरी शनिवार दुई स्थानमा भएको रक्तदान कार्यक्रममा छजना महिलासहित एक सयजनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेयले बताए ।
जीतपुरसिमरा उपमहानगरपालिका–२१ अमलेखगंजमा तमु क्लबले आयोजना गरेको रक्तदान कार्यक्रममा छजना महिलासहित ६४ जनाले रक्तदान गरेको केन्द्रका प्राविधिक धीरेन्द्र झाले बताए । कार्यक्रममा कोपिला गुरुङ, अंशु साह, हसना वाईवा, महेश्वर लामा, जीतबहादुर गुरुङ, रेशम रायमाझी, कृष्णबहादुर ठकुरी, नुरबहादुर दास, प्रशान्त प्रधान, रवि मगरलगायतले रक्तदान गरेको प्राविधिक झाले बताए ।
यसैगरी, आजै वीरगंज महानगरपालिका–३० मा सम्यक फाउन्डेशनले आयोजना गरेको रक्तदान कार्यक्रममा ३६ जनाले रक्तदान गरेको रक्तसञ्चार केन्द्र, वीरगंजका प्राविधिक मनीष गुप्ताले बताए ।
कार्यक्रममा रहबर अन्सारी, मुकेश यादव, वीरेन्द्र यादव, रामाशङ्कर, लक्ष्मन साह, सुनील कुमार, राधेश्याम गुप्ता, सन्तोष पटेल, सुवास यादव, राजकुमार सहनीलगायतले रक्तदान गरेका थिए ।
