सिद्धपुर गोल्डकप फूटबलः नगोल बारा विजयी

प्रस, पर्सागढी, ९ पुस/
सखुवाप्रसौनी गाउँपालिका–१ सिद्धपुरमा जारी चौथो सिद्धपुर गोल्डकप फूटबल प्रतियोगिता अन्तर्गत मङ्गलवार तेस्रो दिनको खेलमा जीतपुरसिमरा उपमहानगरपालिकास्थित नगोल विजयी भएको छ ।

नगोल र आयोजक सिद्धपुर पर्साबीच आज भएको खेल निर्धारित समयमा बराबरीमा टुङ्गिएको थियो । त्यसपछि टाइबे्रकरबाट निर्णय गर्दा दुवै टीमले पाँच/पाँच गोलको बराबरी खेले । त्यसपछि एक/एक गोलबाट निर्णय गर्दा आयोजक सिद्धपुरले गोल गर्न सकेन तर नगोल बाराले गोल गरी विजयी भयो ।