नरेश यादव, पर्सागढी, ७ पुस/
‘राष्ट्रका लागि खेलकूद, स्वास्थ्यका लागि खेलकूद’ नाराका साथ सखुवाप्रसौनी गाउँपालिका–१ सिद्धपुर फूटबल मैदानमा चौथो सिद्धपुर गोल्डकप प्रतियोगिता शुरू भएको छ ।
स्थानीय माओवादी केन्द्रका नेता शिवकुमार साह तेलीले प्रतियोगिताको उद्घाटन गरेका थिए । उनले खेलले जीवनशैलीलाई अगाडि बढाउन मदत पुग्ने भन्दै अनुशासित भएर खेल्न सुझाए । उद्घाटन सत्र लालदेव महतो उरावको अध्यक्ष्Fतामा भएको थियो र इप्रका एकटाँगाका प्रहरी नायब निरीक्षक योगानन्द साह, सशस्त्र प्रहरी बल बागेश्वरी तित्रौनाका प्रमुख चमनारायण महतो, पूर्ववडासदस्य रामाकान्त खाँ थारू, पारस महतो, शिवनाथ थारू, माओवादी केन्द्रका प्रदीप चौधरी, हटन चौधरी, सिकेन्द्र सहनी, विगन महतो, बमबहादुर पण्डितलगायतको सहभागिता थियो ।
आज भएको उद्घाटन खेलमा बकुलिया बारा, निचुटा पर्सालाई एकका विरुद्ध दुई गोलअन्तरले पराजित गरी विजयी भयो । खेलको म्यान अफ दि म्याच बकुलिया बाराका अजय चौधरी घोषित भए ।
प्रतियोगितामा आठवटा क्लब सहभागी भएको र भोलि देकुली र पर्सा, वीरगंजबीच खेल हुने आयोजक कमिटीले जनाएको छ ।
