प्रस, वीरगंज, ५ पुस/
लायन्स क्लब अफ वीरगंज मेट्रोसिटी र संस्कृति गोल्डको आयोजनामा बिहीवार वीरगंज–३ छपकैयास्थित ग्रीनल्यान्ड स्कूलमा मेहदी प्रतियोगिता सम्पन्न भएको छ ।
विद्यालयमा अध्ययनरत कक्षा ५–८ का १९ जना छात्रा प्रतियोगितामा सहभागी थिए । उनीहरूमध्ये रुक्सार खातुन प्रथम, शहजादी खातुन द्वितीय र सुबी खातुन तृतीय भएका थिए । विजयी छात्राहरूलाई कार्यक्रमका प्रमुख अतिथि मेट्रोसिटीका अध्यक्ष अशोक बेरिवाल र संस्कृति गोल्डकी अध्यक्ष रितिका जयसवालले पुरस्कृत गरेका थिए । खुश्बु गुप्ताको अध्यक्षतामा भएको कार्यक्रममा प्रदीप अग्रवाल, नरोत्तम पाण्डे, सुशील साह, प्रिया सिंह, अङ्कित चौरसिया, नवलकिशोर भङ्गल, उपेन्द्र पण्डितलगायतको सहभागिता थियो । कार्यक्रमको सहजीकरण उमेश गुप्ताले गरेका थिए ।
