प्रस, पोखरिया, २ पुस/
नेराप्रावि, जीराभवानीको वार्षिकोत्सवमा भएको प्राविस्तरीय बाल फूटबल प्रतियोगिताको उपाधि नेराप्रावि, सेढवाले जितेको छ ।
मङ्गलवार भएको फाइनल खेलमा आयोजक नेराप्रावि, जीराभवानीलाई एकका विरुद्ध दुई गोल गरी नेराप्रावि, सेढवाले उपाधि जितेको हो ।
विजयी टीमलाई जीराभवानी गापा शिक्षा शाखा प्रमुख शिवराज फुयाँलले शिल्ड प्रदान गरेका थिए । उनले बाल्यावस्थादेखि नै खेलकूदमा सहभागिता गराएर दक्ष खेलाडी तयार पार्ने उद्देश्यले पालिकाले प्रतियोगिता आयोजना गरेको बताए । उनले जीत र हारभन्दा पनि खेलप्रति सानो उमेरदेखि सिकाइ गर्दा भविष्यमा राम्रो खेलाडी तयार हुने बताए ।
कार्यक्रममा विद्यालय व्यवस्थापन समितिका अध्यक्ष नारायण भैया, प्रअहरू खेमराज महतो, यानबहादुर श्रेष्ठ, हृदयमोहन सिंह क्षत्रीलगायतको सहभागिता थियो । प्रतियोगितामा पालिकाका चारवटा प्रावि सहभागी थिए ।
