प्रस, वीरगंज, २५ मङ्सिर/
रौतहटमा सवारी दुर्घटनामा परेर सातजना महिला र एकजना चालक गरी आठजनाको ज्यान गएको छ भने पाँचजना घाइते भएका छन् ।
इलाका प्रहरी चन्द्रपुरका प्रहरी नायब उपरीक्षक राजकुमार राईले पूर्व–पश्चिम राजमार्ग अन्तर्गतको लमहा जङ्गलमा गएराति साढे १२ बजे बाराको बरियारपुरस्थित पञ्चवर्षीय गढीमाई मेलाको दर्शन गरेर फर्किने क्रममा बा.१६च ३१६२ नम्बरको स्कार्पियो गाडी दुर्घटना हुँदा गाडीमा सवार आठजनाको घटनास्थलमैं मृत्यु भएको उनले बताए ।
सो दुर्घटनामा परेर सिराहाको अर्नामा गाउँपालिका–३ बस्ने ६० वर्षीया लरुवदीदेवी महरा, ३० वर्षीया उर्मिलादेवी महरा, ५० वर्षीया रामकुमारीदेवी महरा, ५५ वर्षीया महँगीदेवी महरा, ६२ वर्षीया फूलवन्तीदेवी चमार, ६० वर्षीया रामकुमारीदेवी महरा, ३० वर्षीया शकुन्तलादेवी महरा र सोही गापा–५ बलुवाटोलका स्कार्पियो चालक वर्ष ४० को शिवकुमार यादवको मृत्यु भएको इप्रका, चन्द्रपुरले जनाएको छ ।
प्रनि राईले रातिको समयमा तीव्र गतिमा रहेको स्र्कोपिया सडकखण्डबाट तल जङ्गलमा रहेको एउटा रूखमा ठोक्किएको थियो । सोमा सवार पाँचजनालाई वीरगंजमा उपचारको लागि पठाएको प्रहरीले जनाएको छ ।
