बालबालिकालाई जुत्ता र मोजा सहयोग

प्रस, पर्सागढी, २० मङ्सिर/
रोटरी क्लब अफ वीरगंजले सयजना बालबालिकालाई जुत्ता र मोजा सहयोग गरेको छ । वीरगंज महागरपालिका–३० स्थित नेपाल राष्ट्रिय आधारभूत विद्यालयमा कक्षा ३–५ मा अध्ययनरत सयजना बालबालिकालाई जुत्ता र मोजा वितरण गरिएको रोटरी क्लबका रवि गुप्ताले बताए ।

जाडोयाममा बालबालिकाहरूलाई विद्यालयमा आउने वातावरण बनाउने उद्देश्यले जुत्ता र मोजा सहयोग गरेको उनले बताए ।

विद्यालय व्यवस्थापन समितिका अध्यक्ष वीरेन्द्रप्रसाद यादवको अध्यक्षतामा कार्यक्रम भएको थियो ।