प्रस, परवानीपुर, २० मङ्सिर/
चौथो परवानीपुर गोल्डकप फूटबल प्रतियोगिता आगामी माघको अन्तिम सातादेखि आयोजना हुने भएको छ । गोल्डकप आयोजक समितिले बुधवार पत्रकार सम्मेलन गरी आगामी माघ २६ गतेदेखि प्रतियोगिता शुरू हुने र फागुन ३ गते सम्पन्न हुने बताएको छ ।
परवानीपुर युथ क्लबका अध्यक्ष अलि अख्तर आलमले सरोकारवालाहरूसँगको छलफलपछि प्रतियोगिताको मिति घोषणा गरिएको बताए । उनले प्रतियोगितामा यस क्षेत्रका आठवटा टीम सहभागी हुने बताए ।
फूटबलप्रति रुचि अभिवृद्धिका लागि परवानीपुरमा विगत तीन वर्षदेखि फूटबल प्रतियोगिता निरन्तररूपमा सञ्चालन गर्दै आएको आयोजक क्लबका सदस्य कृष्ण यादवले बताए ।
