प्रस, सिम्रौनगढ, १२ मङ्सिर/
सिम्रौनगढ नगरपालिका कार्यालयमा बुधवारदेखि हरिओमप्रसाद जैयसवालले निमित्त प्रमुख प्रशासकीय अधिकृतको कार्यभार सम्हालेका छन् । सामान्य प्रशासन तथा सङ्घीय मामिला मन्त्रालयले जैसवाललाई निमित्त प्रमुख प्रशासकीय अधिकृतको रूपमा पठाएको हो । सिम्रौनगढ नपामा उनी आयुर्वेद प्रमुखमा कार्यरत थिए ।
योसमेत जैसवालले यो नगरपालिकामा पाँचौंपटक निमित्त प्रमुख प्रशासकीय अधिकृतको कार्यभार सम्हालेका हुन् । मन्त्रालयले अर्काे प्रमुख प्रशासकीय अधिकृतको व्यवस्था नहुन्जेलसम्मका लागि जैसवाललाई निमित्तको अख्तियारी सुम्पेर पठाएको हो । यो नगरपालिकामा उपसचिवस्तरको प्रमुख प्रशासकीय अधिकृतको व्यवस्था छ । निमित्त प्रमुख जैसवाललाई आज नगरप्रमुख किशोरीप्रसाद कलवारलगायत कर्मचारीहरूले स्वागत गरेका थिए ।
