प्रस, वीरगंज, ३ मङ्सिर/
वीरगंजस्थित आदर्शनगर रङ्गशालामा जारी कर्पोरेट सुपर सिक्स क्रिकेट प्रतियोगितामा सोमवार ओम्नी ग्रुप विजयी भएको छ ।
चार समूहमध्ये समूह ‘डी’बाट ओम्नी र सुप्रिमबीच सोमवार आदर्शनगर रङ्गशालामा भएको खेलमा ओम्नी गु्रप दुई रनले विजयी भएको हो ।
सुप्रिमले पहिले ब्याटिङ गर्दै ५६ रन बनाएको थियो । ५७ रनको लक्ष्य ओम्नीले चार बल बाँकी पूरा गरेर विजयी भयो । लायन्स क्लब अफ वीरगंज र स्पोट्र्स एकेडेमी संयुक्त आयोजनामा कर्पोरेट सुपर सिक्स क्रिकेट प्रतियोगिता शनिवारदेखि सञ्चालनमा छ । प्रतियोगितामा समूह ‘ए’बाट सिद्धार्थ बैंक र ‘बी’बाट हिमालयन बैंक लिमिटेड सेमिफाइनलमा पुगिसकेका छन् ।
भोलिको खेल समूह ‘डी’को अग्नि गु्रप र ओम्नीबीच प्रतिस्पर्धा हुने लायन्स क्लब अफ वीरगंजका नरोत्तम पाण्डेले बताए । प्रतियोगितामा वीरगंजका वाणिज्य बैंक, बीमा कम्पनी, विकास बैंक तथा औद्योगिक प्रतिष्ठान गरी १६ वटा टीम सहभागी छन् ।
