प्रस, वीरगंज, ३० कात्तिक/
खैरातीमाई मेला फेटा गाउँपालिका–१ त्रिवेणी बारामा शुक्रवार साहस नेपाल फेटा बारा एवं गढीमाई साझेदारी वन व्यवस्थापन समिति पथलैयाको सहयोगमा आयोजित रक्तदान कार्यक्रममा एकजना महिलासहित २५ जनाले रक्तदान गरेका छन् ।
गढीमाई साझेदारी वन व्यवस्थापन समिति पथलैया बाराका अध्यक्ष रामएकबाल साह तेलीको अध्यक्षतामा भएको कार्यक्रमको बाराका डिभिजनल वन अधिकृत राजीवकुमार झाले उद्घाटन गरेका थिए । कार्यक्रममा रविना साह, तपसी महतो, दीपक सर्राफ, सुरेशप्रसाद यादव, अर्नुक भुजेल, अम्बिका ठाकुर हजाम, नरेश दास, प्रेमकुमार साह, रामएकबालप्रसाद साह, बैजु पटेल, जगतनारायण महतोलगायतले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेयले बताए ।
कार्यक्रममा वन अधिकृत तथा गढीमाई साझेदारी वन व्यवस्थापन समितिका सहसचिव ललनराउत कुर्मी, वडाध्यक्ष बिगन दास, लालबाबू मुखिया, साहस नेपाल फेटा बाराका अध्यक्ष राजेशप्रसाद कुशवाहा, नेरेसो रेशमकोठी उपशाखाका युवा संयोजक अभिलाष गुप्तालगायतको सहभागिता थियो ।
