प्रस, पर्सागढी, २६ कात्तिक/
बिरुवागुठी युथ क्लबको आयोजनामा पर्सागढी मिनी रङ्गशालामा सञ्चालित प्रथम बिरुवागुठी नकआउट फूटबल प्रतियोगिता अन्तर्गत सोमवार सम्पन्न तेस्रो दिनको खेलमा जनकल्याण युवा क्लब बकुलिया विजयी भएको छ ।
आयोजक बिरुवागुठी युथ क्लबलाई टाइब्रेकरमा दुईका विरुद्ध चार गोलअन्तरले पराजित गर्दै बकुलिया विजयी भएको हो । निर्धारित समयमा दुवै टीम गोलरहित खेलेपछि टाइब्रेकरबाट निर्णय गरिएको थियो । आजको खेलमा ‘म्यान अफ दी म्याच’ बिरुवागुठीका दीपेश चौधरी घोषित भए । उनलाई खेलाडी लेखबहादुर तामाङले नगद, ट्रफीबाट सम्मान गरेका थिए ।
मङ्गलवार नवबुद्ध युवा क्लब झबराहा र निजगढ बाराबीच प्रतिस्पर्धा हुने क्लबका उपाध्यक्ष सोमी पाख्रिनले बताए ।
