प्रस, सिराहा, १३ कात्तिक/
सिराहा नगरपालिका–११ स्थित भलुवाहीमा मङ्गलवार दिउँसो भएको दुर्घटनामा एकजनाको मृत्यु भएको छ भने एकजना घाइते भएका छन् ।
दुर्घटनामा परी मोटरसाइकल चालक कर्जन्हा नगरपालिका–५ का २० वर्षीय रूपेश महतोको मृत्यु भएको छ भने मोटरसाइकलमा पछाडि सवार विष्णुपुर गाउँपालिका–१ का ३२ वर्षीय प्रदीपकुमार पासवान घाइते भएको प्रहरीले जनाएको छ ।
सिराहाबाट चोहर्वातर्पm जाँदै गरेको प्र ०१–०२–०१ प ०४३४ नम्बरको मोटरसाइकल अत्यधिक गतिका कारण अनियन्त्रित भई कल्भर्टमा ठोक्किएको थियो । त्यसपछि घाइते भएका दुवैजनालाई सिराहास्थित प्रादेशिक अस्पताल लगिएको थियो ।
अस्पतालले महतोलाई मृत घोषणा गरेको थियो भने दुवै खुट्टामा चोट लागेका पासवानलाई प्राथमिक उपचारपछि थप उपचारका लागि विराटनगर पठाइएको जिल्ला प्रहरी कार्यालय, सिराहाका प्रवक्ता एवं प्रहरी नायब उपरीक्षक वीरेन्द्रकुमार पासवानले जानकारी गराएका छन् ।
