बलिराम शुक्ला, बिरुवागुठी, २३ असोज/
पर्सागढी नगरपालिका–१ मा जारी नवौं खसियाही गढीमाई गोल्डकप फूटबल प्रतियोगिता अन्तर्गत बुधवारदेखि सेमिफाइनल चरणको खेल शुरू भएको छ ।
पहिलो सेमिफाइनलमा बिरुवागुठी युथ क्लब बडनिहार र आर्या फर्मा प्रालि छातापिपराबीच प्रतिस्पर्धा भएको थियो । आजको खेलमा बिरुवागुठी युथ क्लब बडनिहारले आर्य फर्मा प्रालिलाई एकको विरुद्ध तीन गोल गरेर पराजित गर्दै फाइनलको यात्रा सुरक्षित गरेको छ । बडनिहारका राधे चौधरीले दुई र रुद्र पौडेलले एक गोल गरेका थिए । यसैगरी, आर्य फर्माका रजनीकान्त चौधरीले एक मात्र गोल गरे ।
खसियाही गढीमाई युवा समितिद्वारा आयोजित प्रतियोगिताको दोस्रो सेमिफाइनलमा भोलि बिहीवार महावीर युथ क्लब सोलखपुर र वनशक्ति युवा क्लब सिद्धपुरबीच हुनेछ । भोलिको विजेताले शनिवार असोज २६ गते आजको विजेता बिरुवागुठी युथ क्लब बडनिहारसँग फाइनल खेल्ने आयोजक समितिका अध्यक्ष मदनप्रसाद पटेलले बताए ।
