८० जनाद्वारा रक्तदान

प्रस, वीरगंज, ११ असोज/
प्राइम कमर्शियल बैंक लिमिटेडको वार्षिकोत्सवमा शुक्रवार आयोजित रक्तदान कार्यक्रममा आठजना महिलासहित ८० जनाले रक्तदान गरेका रक्तसञ्चार केन्द्र वीरगंजका प्राविधिक जीतेन्द्र कुशवाहाले बताए ।

बैंकको आदर्शनगर शाखा, वीरगंजमा आयोजित रक्तदान कार्यक्रममा मेघनाथ सोनार, बिन्दु देवी, मर्यादा थापा, रीता साह, कृष्ण कानू, अर्जुन चौधरी, दीपेश खड्का, पवन लम्साल, सुधीर पण्डित, अकलेश कुर्मी, कर्तव्यसिंह क्षत्रीलगायतले रक्तदान गरेका प्राविधिक कुशवाहाले बताए ।