प्रस, वीरगंज, ७ असोज/
वीरगंज महानगरपालिका, साहिब दरबार सेवा संस्थान र ग्रीन सिटी सामुदायिक सेवा केन्द्रले संयुक्तरूपमा सोमवार वीरगंज–१६ बसपार्कमा वृक्षारोपण गरेको छ ।
कार्यक्रममा विभिन्न प्रजातिका २५० वटा बिरुवा बसपार्क क्षेत्रमा रोपिएको थियो । केन्द्रका अध्यक्ष जयप्रकाश खेतानको अध्यक्षतामा भएको कार्यक्रममा संस्थानका सरकारजी महाराज, नगरप्रमुख राजेशमान सिंह, भारतीय महावाणिज्य दूतावास वीरगंजका महावाणिज्यदूत देवीसहाय मीणा, सशस्त्र प्रहरी उपरीक्षक राधेश्याम धिमाल, प्रमुख सेनानी नीराजन कटुवाललगायतले वृक्षारोपण गरेका थिए ।
