फरार नौ थुनुवामध्ये सातजना पक्राउ

प्रस, वीरगंज, ७ असोज/
जिल्ला प्रहरी कार्यालय, धनुषाको थुनुवा कक्षबाट भेन्टिलेशन तोडेर आइतवार राति भागेका नौजना थुनुवामध्ये सातजना सोमवार विभिन्न स्थानबाट पक्राउ परेका छन् ।

जिप्रका, धनुषाका प्रवक्ता एवं प्रहरी नायब उपरीक्षक रञ्जन अवालेले राति भेन्टिलेशन फोडेर लागूऔषध र अभद्र मुद्दामा थुनुवामा रहेका नौजना भागेका र उनीहरूमध्ये सातजनालाई सोमवार पक्राउ गरिएको बताए । एक चरणमा चारजना र अर्को चरणमा तीनजना गरी सातजना पक्राउ परे भने अन्य दुईजना अझै फरार रहेको उनले जानकारी गराए ।