प्रस, वीरगंज, ५ असोज/
वीरगंजमा शनिवार दुई स्थानमा भएका रक्तदान कार्यक्रममा ११ जना महिलासहित ९३ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले बताए ।
नगरप्रमुख राजेशमान सिंहले उद्घाटन गरेको दुर्गापूजा समिति श्रीपुरद्वारा आयोजित रक्तदान कार्यक्रममा अंशु पटेल, सिमरन मण्डल, सुनील महतो, कुन्दन साह कलवार, उमेश शर्मा, मोशर्रफ गद्दी, जिनेश यादव, माधव साहलगायत पाँचजना महिलासहित ५६ जनाले रक्तदान गरेका थिए ।
यसैगरी, वीरगंज–१२ का वडाध्यक्ष सुरेश गुप्ताले मधेस विश्वविद्यालयमा नेपाल फर्मास्युटिकल एशोसिएशनले आयोजना गरेको रक्तदान कार्यक्रमको उद्घाटन गरेका थिए । सो स्थानमा छजना महिलासहित ३७ जनाले रक्तदान गरेको प्राविधिक मनीष साहले बताए । कार्यक्रममा प्रियङ्का झा, खुशहाना नेसा, पुष्पा कुमारी, सुनीता ठाकुर, सत्या यादव, ज्योति पटेल, आशिफ जमाल, ओमकार रेग्मी, धनेश रामलगायतले रक्तदान गरेका थिए ।
