प्रस, वीरगंज, ६ भदौ/
सशस्त्र प्रहरीले गौर–चन्द्रपुर सडकखण्ड अन्तर्गत बालचनपुरबाट १६ किलो गाँजा बरामद गरेको छ ।
सशस्त्र प्रहरी बल ११ नं गणबाट प्रहरी नायब उपरीक्ष्Fक भरत विसी र इलाका प्रहरी कार्यालय, चन्द्रपुरले बुधवार गौतम साहको घरमा भाडा लिएर बसेका गौर नगरपालिका–६ सबगढाका कविलासी साहको कोठामा छापा मारेर १५ किलो ९६० ग्राम गाँजा बरामद गरेको हो ।
कविलासी साह रोजगारको सिलसिलामा भारतको पञ्जाबमा रहेको र उनको पत्नी ललिता साह बस्दै आएको कोठाबाट गाँजा बरामद गरिएको सशस्त्र प्रहरी रौतहटका प्रमुख एवं प्रहरी उपरीक्षक विक्रम हुमागाईंले बताए । प्रहरीलाई देखेपछि ललिता साह फरार भएकी र गाँजा इप्रका, चन्द्रपुरमा राखिएको प्रउ हुमागाईंले बताए ।
