प्रस, वीरगंज, ३ भदौ/
जीतपुरसिमरा उपमहानगरपालिका –२१ अमलेखगंजस्थित अहिंसावादी सांगे छयोइलिङ आधारभूत बौद्ध विद्यालयका विद्यार्थीलाई सोमवार ब्याग वितरण गरिएको छ।
नेपाल राष्ट्रिय माध्यमिक विद्यालयबाट २०५५ सालमा प्रवेशिका परीक्षा उत्तीर्ण गरेका पूर्व विद्यार्थीको समूहले बौद्ध विद्यालयका ७० जना विद्यार्थीलाई ब्याग वितरण गरेका हुन्।
पूर्वविद्यार्थी स्व प्रदीप बल र स्व अमित कार्कीको स्मृतिमा आयोजित कार्यक्रमका बीच ब्याग हस्तान्तरण गरिएको हो। पूर्वविद्यार्थी समूहका जीवन ठकुरीको अध्यक्षतामा सम्पन्न कार्यक्रममा ज्ञानराज लामा, मीना लामा, अन्जु थापा, जीवन ठकुरी, सरस्वती राना तथा चुडामणि खरेल (कपिल) लगायतको उपस्थिति थियो।
कार्यक्रममा गुम्बाकी अध्यक्ष फूलमाया मगर, विद्यालयकी प्रध्यानाध्यापक मीना लामालगायतको सहभागिता थियो।
