प्रस, वीरगंज, ३२ साउन/
पर्साको पटेर्वाुगौली गाउँपालिका–४ अकवाबाट ठूलो परिमाणमा गाँजा र चरेससहित एकजना पक्राउ परेका छन् ।
बिहीवार राति ८ बजे पर्सा पटेर्वासुगौली गाउँपालिका वडा नं ४ अकवा गाउँको बाँसघारीमा लुकिरहेका कालिकामाई गाउँपालिका वडा नं १ मुडली बस्ने वर्ष ४० को फूलशरीफ मियाँँलाई पक्राउ गर्दा उनको साथबाट ३० किलो गाँजा बरामद भएको थियो ।
प्रहरीले मियाँसँग प्रारम्भिक सोधपूछ गर्दा नजीकै रहेको बाँसघारीमा खाल्डो खनी बोराभित्र लुकाइछिपाइ राखिएको अवस्थामा चरेस १९२ किलो र गाँजाको धूलो (पोलान्ड) २६७ किलो बरामद भएको जिल्ला प्रहरी कार्यालय, पर्साका प्रवक्ता प्रहरी नायब निरीक्ष्Fक दीपक भारतीले जानकारी गराएका छन् । पक्राउ परेका मियाँलाई पक्राउ गरी अनुसन्धान गरिरहेको प्रवक्ता भारतीले बताएका छन् ।
