प्रस, निजगढ, २९ साउन/
निजगढ नगरपालिका–१० लालमा मङ्गलवार रूखको हाँगा भाँचिएर खस्दा मोटरसाइकलमा सवार तीनजनामध्ये एकजना महिलाको घटनास्थलमैं मृत्यु भएको र दुईजना घाइते भएका छन् ।
निजगढ नपा–१० लाल निवासी २२ वर्षीया अस्मिता मोक्तानको सो दुर्घटनामा मृत्यु भएको इलाका प्रहरी कार्यालय, निजगढले जनाएको छ ।
घरबाट रतनपुुरतर्फ प्रदेश नं २–०२–०१७ प ९६३५ नम्बरको मोटरसाइकलमा जाँदै गर्दा निजगढ–लाल–रतनपुुर सडकको लाल पार्किङ आसपासको कालोपत्र सडकछेउमा रहेको ठाडो रूखको हाँगा आज दिउँसो करीब २ः५० बजे भाँचिएर खस्दा अस्मिताको टाउको लागेर त्यहीं उनको निधन भएको इप्रका, निजगढका प्रहरी निरीक्षक सुुमित कुुशवाहाले बताए । मोटरसाइकल चालक १८ वर्षीय सन्देश बमजन र निजगढ नपा–१३ निवासी २२ वर्षीया विनीता भुुलोन घाइते भएका छन् । उनीहरूको निजगढमा उपचार भइरहेको र अवस्था सामान्य रहेको इप्रका, निजगढले जनाएको छ।
