प्रस, सप्तरी, २९ साउन/
मङ्गलवार बिहान सप्तरीमा ट्रक दुर्घटना हुँदा चालकको मृत्यु भएको छ । मृत्यु हुनेमा ट्रक चालक मोरड्ढो उर्लाबारी नगरपालिका वडा नं १ निवासी २५ वर्षीय सबिन राई रहेको जिल्ला प्रहरी कार्यालय, सप्तरीले जनाएको छ ।
जिप्रका, सप्तरीका प्रवक्ता प्रहरी नायब उपरीक्षक ढुण्डीराज न्यौपानेका अनुसार बिहान करीब ६ः३० बजेको समयमा पूर्व–पश्चिम राजमार्ग अन्तर्गत सप्तरीको शम्भुनाथ नगरपालिका–५ स्थित सडकमा ट्रक दुर्घटना भएको हो । पूर्वतर्फ जाँदै गरेको मधेस प्रदेश–०३–००१ ख ८१८१ नम्बरको क्लिङ्कर लोड १२ चक्के ट्रक सडकबाट करीब २० मिटर तल खसेको हो ।
ट्रकभित्र चेपिएका चालकको घटनास्थलमैं मृत्यु भएको हो । क्रेन र जेसिबी प्रयोग गरेर शव निकालिएको प्रहरीले जनाएको छ ।
