प्रस, सिम्रौनगढ, १२ साउन/
सिम्रौनगढ नगरपालिकाको कङ्कालीमाई मन्दिर परिसर र छठघाटनजीक शनिवार वृक्षारोपण गरिएको छ। कङ्कालीमाई मन्दिर व्यवस्थापन समिति सिम्रौनगढको आयोजना भएको वृक्षारोपण कार्यक्रम कङ्कालीमाई मन्दिर परिसर र छठघाटमा आँपका ४० वटा बिरुवा रोपिएको थियो। कङ्कालीमाई मन्दिर व्यवस्थापन समितिका अध्यक्ष राजेश प्रजापतिले आँपका बिरुवा रोपेर कार्यक्रमको उद्घाटन गरेका थिए।
यसैबीच वडाध्यक्ष नन्दकिशोर जयसवालले नगरप्रमुख किशोरीप्रसाद कलवारलाई पाँच बुँदे मागसहितको ज्ञापनपत्र बुझाएका छन्। जसमा कङ्कालीमाई मन्दिर परिसरमा विवाह भवन निर्माण, चापाकल, शौचालय र कङ्काली पोखरीमा जलविहार गर्न स्टीमरलगायतको व्यवस्था गरिनुपर्ने ज्ञापनपत्रमा उल्लेख छन्। कार्यक्रममा पूर्ववडाध्यक्ष शङ्करसाह कानू, समाजसेवी रामजनम कुशवाहा, मदन साह, परमानन्द जयसवाललगायतको सहभागिता थियो।
