प्रस, वीरगंज, ३ साउन/
जीतपुरसिमरा उपमहानगरपालिकाका प्रमुख प्रशासकीय अधिकृत उर्मिला काफ्लेको सरुवा भएको छ भने उनको स्थानमा चेतकुमार पोखरेल आउँदै छन्।
सङ्घीय मामिला तथा सामान्य प्रशासन मन्त्रालयले प्रमुख प्रशासकीय अधिकृत काफ्लेको सरुवा गर्दै उनको स्थानमा पोखरेललाई पठाउने निर्णय गरेको छ।
गत वैशाखमा जीतपुरसिमरा आएकी काफ्लेलाई मन्त्रालयले अतिरिक्त समूहमा सरुवा गरेको छ। काफ्लेको स्थानमा मन्त्रालयले यसअघि अढाई वर्ष उपमहानगरपालिकामा काम गरेर अनुभव बटुलेका पोखरेललाई पठाउन लागेको हो।
