क्यानबेरा, अस्ट्रेलिया, ३ असार/एएफपी
अस्ट्रेलियाको मुख्य व्यापारिक साझेदार चीनसँगको आर्थिक विवाद ‘सही मार्गमा’ फर्केको भन्दै बेइजिङले सोमवार अस्ट्रेलियासँग सम्बन्ध सुधारको पहलको प्रशंसा गरेको छ।
अस्ट्रेलियाका प्रधानमन्त्री एन्थोनी अल्बनिजसँग वार्ता गर्नु अघि चिनियाँ प्रधानमन्त्री ली किआङलाई क्यानबेराको संसद् भवनमा भव्य स्वागत गरिएको थियो।सन् २०१७ पछि भ्रमण गर्ने उच्चपदस्थ चिनियाँ अधिकारीका रूपमा लीले आप्mनो अस्ट्रेलिया भ्रमण सम्बन्ध सुधार र स्थिर विकासको सही बाटोमा रहेको बताए।
उनले अस्ट्रेलियाली नागरिकलाई चीनमा सीमित भिसामुक्त पहुँच प्रदान गर्ने शाखाको पनि प्रस्ताव गरे। “हामी सधैं सहमत हुन सक्दैनौं, र यदि असहमतिका बिन्दुहरूलाई मौन छोड्छौं भने त्यो समाधानको बाटो हुनेछैन”–अल्बानिजले भने।
‘आपसी सम्मान, मतभेद र पारस्परिक फाइदाजनक सहयोग त्यागेर साझा आधार खोज्नु’ सम्बन्धका लागि महत्वपूर्ण भएको चिनियाँ प्रधानमन्त्री लीले आप्mनो अस्ट्रेलिया भ्रमणको शुरूमा बताएका थिए।
लीको चार दिने भ्रमणले प्रमुख अस्ट्रेलियाली निर्यातको शृङ्खलाविरुद्ध लगाइएका दण्डात्मक उपायहरू हटाउने र यसले चीनको अस्ट्रेलियासँगको व्यापार वृद्धिको सम्भावना बढाउने बेइजिङले विश्वास लिएको छ।
चीन अस्ट्रेलियाको सबैभन्दा ठूलो व्यापारिक साझेदार हो। उसले गत वर्ष प्रमुख वस्तुहरू फलाम, कोइला र खनिज पदार्थसहित आप्mनो निर्यातको लगभग ३० प्रतिशत हिस्सा ओगटेको थियो।
सन् २०२३ मा दुर्ईतर्फी व्यापार ३२७ अर्ब अस्ट्रेलियन डलर (२१६ अर्ब डलर) पुगेको थियो।सन् २०२० मा अतिराष्ट्रवादी चिनियाँ सरकारसँग कूटनीतिक दरार परेको कारण चिनियाँ प्रतिबन्धका कारण कोइला, काठ, जौ, गाईका मासुका साथै वाइनको निर्यातमा समस्या भएको थियो।
ती प्रतिबन्धहरूले गर्दा अस्ट्रेलियाली निर्यातकर्ताहरूलाई एक वर्षमा २० अर्ब अस्ट्रेलियाली डलर (१३ अर्ब अमेरिकी डलर) घाटा लागेको थियो। रासस
