प्रस, वीरगंज, १ असार/
एसइई परीक्षा दिएर बसेका विद्यार्थीहरूलाई लक्षित गर्दै ज्ञानदा एकेडेमीले शनिवार स्कील टेस्ट परीक्षा सम्पन्न गरेको छ।
विद्यार्थीहरूको बौद्धिक क्षमताको आकलन तथा आत्मविश्वास जगाउने अभिप्रायले स्कील परीक्षा आयोजना गरिएको ज्ञानदाका सिइओ राजेन्द्र कोइरालाले बताए। उनले विज्ञान, व्यवस्थापन र कानून सङ्काय गरी तीन समूहमा परीक्षा लिइएको बताए। स्कील परीक्षामा १,१८१ जना विद्यार्थी सहभागी भएका थिए। सिइओ कोइरालाले धेरै विद्यार्थीले यो कार्यक्रमबाट फाइदा उठाएर अध्ययन गरून् भन्नका लागि सकारात्मक सोच सहित कार्यक्रमको थालनी गरिएको र यस प्रकारका शैक्षिक स्तरीय कार्यक्रमहरूलाई निरन्तरता प्रदान गरिने बताए।
