प्रस, सेढवा, ३२ जेठ/
जगरनाथपुर गाउँपालिका–१ मा शुक्रवार एकजना बालकको साइफनमा नुहाउने क्रममा डुबेर मृत्यु भएको छ।
सिंचाइ गर्न बनाइएको साइफनमा दिउँसो नुहाउने क्रममा स्थानीय आठ वर्षीय अब्दुल कलामको डुबेर मृत्यु भएको इलाका प्रहरी कार्यालय, पटेर्वासुगौलीका प्रहरी निरीक्षक मोहनजङ्ग बुढाथापाले बताए। मृतक कलाम साथीहरूसँग नुहाउन साइफनमा गएका थिए र उनी डुबेपछि अन्य बालकहरूले गाउँमा खबर गरेका थिए। गाउँलेहरू पुगुन्जेल कलामको मृत्यु भइसकेको प्रनि बुढाथापाले बताए।
