प्रस, वीरगंज, २६ जेठ/
पर्सा र बारामा गरी शनिवार तीन स्थानमा सम्पन्न रक्तदान कार्यक्रममा आठजना महिलासहित १९४ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले बताए।
कलैया उपमहानगरपालिकास्थित कटिया स्टेशन होटलले आयोजना गरेको रक्तदान कार्यक्रममा ३४ जनाले रक्तदान गरेको उनले बताए। कार्यक्रममा लक्ष्मीनारायण चौधरी, आकाश लामा, ओमप्रकाश सर्राफ, सन्नी जयसवाल, भूषण गुप्ता, अमित साह, सरोज पटेललगायतले रक्तदान गरेका थिए।
यसैगरी, पर्सागढी नगरपालिकामा नेपाल रेडक्रस सोसाइटी पर्सागढी उपशाखाले आयोजना गरेको रक्तदान कार्यक्रममा छजना महिलासहित २९ जनाले रक्तदान गरेको केन्द्रका प्राविधिक जीतेन्द्र कुशवाहाले बताए। कार्यक्रममा गोमा कुँवर, अञ्चलादेवी साह, निर्मला श्रेष्ठ, अस्मिता थापामगर, विनीता मगर, प्रकाश लोप्चन, रोशन मानन्धर, हिमाल पौडेल, विकास गुरुङ, नितेश आचार्यलगायतले रक्तदान गरेका प्राविधिक कुशवाहाले बताए। यसैगरी, सामुदायिक सेवा केन्द्र, छपकैया र वीरगंज महानगरपालिका–१६ को सहयोगमा इनर्वा प्रहरी चौकीले शङ्कराचार्यद्वारमा आयोजित रक्तदान कार्यक्रममा दुईजना महिलासहित १३१ जनाले रक्तदान गरेको केन्द्रका प्राविधिक मनीष कुमारले बताए।
कार्यक्रममा अनिशा गौतम, सीता क्षत्री, महमद इमामुद्दीन, दीपक भारती, विशाल लामा, रामप्रकाश सर्राफ, उमेश लामा, राजेश दुबे, भुलन ठाकुर, सन्दीप यादव, सुबोध साह, वीरबहादुर यादव, अलि अख्तर, कृष्ण नेपालीलगायतले रक्तदान गरेका थिए।
