प्रस, वीरगंज, ४ जेठ/
पोखरिया नगरपालिका–९ बैरियामा दुईवटा मोटरसाइकल एकापसमा ठोक्किंदा एकजनाको मृत्यु भएको छ भने तीनजना घाइते भएका छन् ।
मधेस प्रदेश ०३–०३१ प ९६७५ नम्बरको मोटरसाइकल र ना.२८प ९४४३ नम्बरको मोटरसाइकल बिहीवार राति ९ः३० बजे एकापसमा ठोक्किंदा वीरगंज महानगरपालिका–१९ केहुनिया निवासी २२ वर्षीय इरफान मियाँँको मृत्यु भएको प्रहरीले जनाएको छ । दुर्घटनामा गम्भीर घाइते भएका उनलाई उपचारका लागि वीरगंज लैजाने क्रममा बाटोमैं मृत्यु भएको प्रहरीले जनाएको छ ।
दुर्घटनामा मधेस प्रदेश ०३–०३१ प ९६७५ नम्बरको मोटरसाइकलमा सवार दुईजनाको नेशनल मेडिकल शिक्षण अस्पतालमा र ना.२८प ९४४३ नम्बरको मोटरसाइकल चालकको नारायणी अस्पताल वीरगंजमा उपचार भइरहेको प्रहरीले जनाएको छ ।
