प्रस, परवानीपुर, २५ वैशाख/
श्रीपुर वडा प्रहरी कार्यालयले एकजना विद्यार्थीलाई नियन्त्रणमा लिएर चेतावनी दिंदै रिहा गरेको छ ।
वीरगंज कलेजमा कक्षा १२ मा अध्ययनरत बारा, कलैया–५ बरेवा बस्ने पैmयाज अन्सारीलाई नियन्त्रणमा लिएर रिहा गरेको हो । मङ्गलवार कक्षा १२ को अन्तिम परीक्षा दिएर सेन्ट जेभियर्स मावि केन्द्रमा निस्केपछि बिहान ११ः३० बजे विद्यार्थीहरूबीच झगडा भएको थियो ।
प्रहरीले झगडा सुल्झाउन खोज्दा प्रहरीमाथि नै विद्यार्थीहरू जाई लागेपछि फैयाज अन्सारीलाई नियन्त्रणमा लिइएको थियो । आइन्दा गलती नगर्ने शर्तमा अन्सारीलाई निजकी आमाको जिम्मा लगाइएको वडा प्रहरी कार्यालय श्रीपुरका प्रहरी निरीक्षक धर्मजङ्ग थिङले जानकारी दिए ।
वाणिज्य सङ्काय अन्तर्गत कक्षा १२ को अन्तिम बिजनेश स्टडी विषयको परीक्षापछि विद्यार्थीहरू आआफ्नो शर्टमा अटोग्राफ लेख्ने क्रममा विद्यार्थीहरूबीच झगडा भएको थियो । झगडा सुल्झाउने क्रममा विद्यार्थीहरूले प्रहरीले ज्यादती गरेको आरोप लगाएका छन् ।
