प्रस, वीरगंज, ८ वैशाख/
वीरगंज महानगरपालिकामा शनिवार दुई स्थानमा भएको रक्तदान कार्यक्रममा दुईजना महिलासहित ६६ जना सहभागी भएका छन् ।
वीरगंज महानगरपालिका–९ रानीघाटमा दुर्गा पूजा समितिले आयोजना गरेको रक्तदान कार्यक्रममा ४६ जनाले रक्तदान गरेको रक्तसञ्चार केन्द्र वीरगंजका प्राविधिक सौरभराज पाण्डेयले बताए ।
कार्यक्रममा राकेश कुशवाहा, धर्मेन्द्र साह, मनीष सर्राफ, सोनु गुप्ता, निरञ्जन कानू, राज सर्राफ, श्याम गुप्ता, विजय राम, मुना पटेल, प्रिन्स कलवारलगायतले रक्तदान गरेको पाण्डेयले बताए ।
यसैगरी, स्वास्थ्य बीमाले वार्षिकोत्सवमा आयोजना गरेको रक्तदान कार्यक्रममा दुईजना महिलासहित २० जनाले रक्तदान गरेको उनले बताए ।
