प्रस, वीरगंज, १८ चैत/
पर्सा जिल्लामा माध्यमिक शिक्षा परीक्षा (एसइई) अन्तर्गत आइतवार सम्पन्न तेस्रो दिनको परीक्षामा नियमिततर्फ ४८४ र ग्रेडवृद्धितर्फ ७४ जना गरी ५५८ जना विद्यार्थी अनुपस्थित रहेको शिक्षा विकास तथा समन्वय एकाइ कार्यालय, वीरगंजका प्रमुख श्याम गुप्ताले बताए ।
उनले तेस्रो दिनको परीक्षामा नियमिततर्फ ९१४६, ग्रेडवृद्धितर्फ ४३६ जना उपस्थित भएर परीक्षा दिएको जानकारी गराएका छन् ।
पहिलो दिनको परीक्षामा नियमिततर्फ ४२६ र ग्रेडवृद्धितर्फ ६४ जना गरी ४९० जना अनुपस्थित थिए । चैत १५ गतेदेखि सञ्चालित एसइईमा पर्सा जिल्लाबाट नियमिततर्फ ९५२५, प्राविधिकतर्फ १८५, ग्रेडवृद्धितर्फ ५४३ गरी १०२५३ जना परीक्षार्थी परीक्षा दिने सूचीमा थिए । तेस्रो दिनको परीक्षा शान्तिपूर्णरूपमा सम्पन्न भएको प्रमुख गुप्ताले बताए ।
