प्रस, पंचगावाँ, ८ चैत/
सखुवाप्रसौनी गाउँपालिकास्थित दीपनारायण आदर्श नमूना मावि, औराहा पंचगावाँमा विद्यालय व्यवस्थापन समिति गठन भएको छ ।
विगत दुई वर्षदेखि अभिभावक र राजनीतिक दलबीचको असहमतिले विव्यस गठन हुन सकेको थिएन । विव्यसका पूर्वअध्यक्ष मोहनलाल चौधरीको तीन वर्ष अवधि सकिएपछि दुई वर्षदेखि सो विद्यालयमा व्यवस्थापन समिति गठन हुन सकेको थिएन । आज वडाध्यक्ष चिरञ्जीवी महतो थारूको अध्यक्षतामा बसेको बैठकले शङ्कर महतो थारूको अध्यक्षतामा नौ सदस्यीय विव्यस सर्वसम्मत चयन भएको शिक्ष्Fा शाखा प्रमुख नेपालेन्दु साहले बताए ।
समितिका सदस्यमा रामकिशोर चौधरी थारू, गया राउत थारू, पूनमदेवी थरुनी, रीतादेवी राम, वडा प्रतिनिधिबाट वडाध्यक्ष चिरञ्जीवी महतो थारू, शिक्षक प्रतिनिधिबाट सुरेश दास थारू, शिक्ष्Fाप्रेमीबाट गोपाल महतो थारू, सदस्यसचिव प्रधानाध्यापक शिवनाथप्रसाद थारू रहेको प्रमुख साहले बताए ।
