प्रस, वीरगंज, १६ फागुन/
परमेश्वरको मण्डली विश्व सुसमाचार समाजले बुधवार आयोजना गरेको रक्तदान कार्यक्रममा ९४ महिला र ९६ पुरुष गरी १९० जनाले रक्तदान गरेको रक्तसञ्चार केन्द्र, वीरगंजका प्राविधिक जीतेन्द्र कुशवाहाले बताए ।
वीरगंज महानगरपालिका–१५ ब्रह्मचोकमा निस्तार चाडको प्रेम, जीवन बचाउने प्रेम १२७८औं विश्वव्यापी रक्तदान अभियान अन्तर्गत आज भएको रक्तदान कार्यक्रमको उद्घाटन नगरप्रमुख राजेशमान सिंहले गरेका थिए ।
कार्यक्रममा प्रमिला गुप्ता, कमला विक, रीता मगर, अस्मिता मगर, सङ्गीता बसेल, रोशन पासवान, विष्णु न्यौपाने, विश्व परियार, लक्ष्मी पुलामी, पूजा राई, आशा गुरुङ, विनीता तामाङ, सुवास चौधरी, मिलन चौलागाईं, कृष्ण हुमागाईं, सुलभ घिमिरे, राधिका लामा, गोपिनी बर्ताैला, सुस्मिता लामा, सुनीता सुनार, गायत्री सार्की, बाली श्रेष्ठ, आश्मा मगर र सन्दीप दासलगायतले रक्तदान गरेका रक्तसञ्चार केन्द्र, वीरगंजका प्राविधिक प्रमुख सौरभराज पाण्डेयले बताए ।
