प्रस, वीरगंज, १३ फागुन/
जिल्ला प्रहरी कार्यालय, पर्साले बिल बिजकभन्दा बढी चुकन्दर लोड गरेको पिकअप नियन्त्रणमा लिएको छ ।
वीरगंजबाट काठमाडौं जाँदै गरेको प्रदेश ३–०१–०२४ च ३५८९ नम्बरको पिकअपलाई गण्डकमा चेकजाँच गर्ने क्रममा बिलबिजकभन्दा बढी रहेको ३४,८०० मूल्य बराबरको चुकन्दर नियन्त्रणमा लिई आज राजस्व अनुसन्धान कार्यालय पथलैयामा बुझाएको जिप्रका, पर्साले जनाएको छ ।
यसैगरी प्रहरीले एक किलो एक सय ग्रFम गाँजासहित एकजनालाई पक्राउ गरेको छ । वीरगंज–१९ तिलावे पुलबाट अस्थायी प्रहरी चौकी विन्दवासिनीले एक किलो एक सय ग्राम गाँजासहित बहुदरमाई नगरपालिका–९ विश्रामपुर बस्ने ५५ वर्षीय मोखुराउत कुर्मीलाई पक्राउ गरी लागू औषधसम्बन्धी कसूरमा अनुसन्धान गरिरहेको जिल्ला प्रहरी कार्यालय, पर्साले जनाएको छ ।
