दिनेश मिश्र, वीरगंज, १२ फागुन/
दोस्रो सखुवापरसौनी कप क्रिकेट प्रतियोगिता अन्तर्गत शनिवार दुईवटा खेल सम्पन्न भएको छ । पहिलो खेलमा धोबिनीलाई एक रन अन्तरले छिपहरमाईले पराजित ग-यो ।
टस हारेर ब्याटिङ गरेको छिपहरमाईले निर्धारित १६ ओभरमा सबै विकेट गुमाएर ११२ रन बनाएको थियो । प्रतिउत्तरमा धोबिनी १५.३ ओभरमा सबै विकेट गुमाएर १११ रन मात्र बनाउन सक्यो र एक रनले हा-यो । यो खेलको म्यान अफ द म्याच छिपहरमाईका हरेन्द्र यादव घोषित भए ।
दोस्रो खेलमा परवानीपुरले पोखरिया नगरपालिकालाई पराजित ग-यो । पहिलो ब्याटिङ गर्दै पोखरियाले १४.२ ओभरमा सबै विकेट गुमाएर ५१ रन मात्र बनाएको थियो । प्रतिउत्तरमा परवानीपुरले १०.३ ओभरमा ६ विकेटको क्षतिमा लक्ष्य हासिल गरेको थियो । यो खेलको म्यान अफ द म्याच परवानीपुरका राजन साह घोषित भए ।
