दिनेश कुमार मिश्र, वीरगंज, ६ फागुन/
सखुवाप्रसौनी गाउँपालिका दोस्रो क्रिकेट टुर्नामेन्ट–२०८० अन्तर्गत आइतवार दोस्रो दिनको पहिलो खेल जगरनाथपुर गापा र धोबिनी गापाबीच भएकोमा धोबिनी विजयी भएको छ । जगरनाथपुरले टस जितेर पहिला ब्याटिङ गर्दै निर्धारित १६ ओभरमा १४ ओभरमा सबै विकेट गुमाएर ७७ रन बनाएको थियो । ७८ रनको लक्ष्य पछ्याउँदै धोबिनीले नौ ओभरमा तीन विकेटको क्षतिमा ७८ रन बनाएर जीत हासिल ग-यो । धोबिनीका विवेक चौहान २.३ ओभरमा १४ रन दिएर चार विकेट लिएकाले ‘म्यान अफ दी म्याच’ भए ।
दोस्रो खेल छिपहरमाई गापा र बहुदरमाई नपाबीच भएकोमा छिपहरमाई ३२ रनअन्तरले विजयी भएको थियो । बहुदरमाईले टस जितेर बलिङ रोजेको थियो । पहिला ब्याटिङ गर्दै छिपहरमाईले १३ ओभरमा सबै विकेट गुमाइ ५८ रन बनाएको थियो । ५९ रनको विजयी लक्ष्य लिएको बहुदरमाईले १० ओभरमा सबै विकेट क्षति २६ रन मात्र बनाउन सक्यो । छिपहरमाईका मणिकुमार साहले तीन ओभरमा चार रन दिएर तीन विकेट लिएपछि ‘म्यान अफ दी म्याच’ भए ।
भोलिको पहिलो खेल परवानीपुर गापा र पर्सागढी नपाबीच तथा दोस्रो खेल वीरगंज–२६ र जगरनाथपुर गापाबीच हुने सखुवाप्रसौनी युवा समाजका सचिव सरोज पटेलले जानकारी गराए ।
