नेकाका वयोवृद्ध नेतालाई सम्मान

प्रस, पर्सागढी, २ फागुन/
पर्सागढी नगरपालिका–४ निवासी नेपाली काङ्ग्रेसका वयोवृद्ध नेता आसमनप्रसाद यादवको ८५ वर्षको उमेरमा निधन भएको छ । नेका महासमिति सदस्य तथा पर्सागढीका पूर्वनगरप्रमुख लोकनारायण यादवले स्व यादवको शरीरमा पार्टीको झन्डा ओढाएर सम्मान गरेका थिए ।

कार्यक्रममा नेकाका अच्छेलाल यादव, वडाध्यक्ष शेख खुर्शीद, समसुद्दीन शाह देवान, किसुनदेवप्रसाद यादवलगायत सहभागी थिए । सम्मान कार्यक्रमपछि दाहसंस्कार सम्पन्न गरिएको थियो ।