प्रस, परवानीपुर, २५ माघ/
वीरगंजमा अल्पाइन कप आयोजना हुने भएको छ । अल्पाइन मावि, वीरगंजको आयोजनामा माघ २७ देखि फागुन १९ गतेसम्म अल्पाइन टी–२० क्रिकेट प्रतियोगिता आयोजना हुने आयोजक सो माविले जनाएको छ । प्रतियोगितामा सहभागी कलेजहरूबाट रु २० हजार प्रवेश शुल्क लिइएको छ । साथै, भारतका केही विश्वविद्यालयहरूबाट पनि सहयोग हुने आयोजकले जनाएको छ ।
प्रतियोगितामा आयोजक अल्पाइन, बिपिएस, बिपिसी, मिनील्यान्ड, एनआई, ममता, एनए, डेसिमल, कलैयाका बालएकता र दुर्गा मोडेल कलेज, पर्सा म्यानेजमेन्ट, मेरिगोल्ड, पिसजोन, ग्लोबल, ओम, वीरगंज सेन्ट्रल कलेजले सहभागिता जनाएका छन् । प्रतियोगिता सञ्चालन आयोजकले रु छ लाख खर्च अनुमान गरेको छ ।
