दिनेश मिश्र, वीरगंज, १२ माघ/
पर्सा जिल्लाको पटेर्वासुगौली गाउँपालिकाको निचुटामा सञ्चालित प्रथम मेयरकप क्रिकेट प्रतियोगिता–२०८० अन्तर्गत शुक्रवार तेस्रो दिनको खेल निचुटा युथ स्पोट्र्स र पर्सागढी–११ बीच भएको छ ।
पर्सागढी–११ ले टस जितेर ब्याटिङ रोजेको थियो । पर्सागढीले निर्धारित २० ओभरको खेलमा १२ ओभरमैं सबै विकेट गुमाइ ६० रन मात्र बनाएको थियो । ६१ रनको विजयी लक्ष्य पछ्याएको निचुटा ले १२ ओभर दुई बलमा तीन विकेट गुमाएर ६१ रनको लक्ष्य प्राप्त गरी जीत हासिल गरेको थियो । निचुटाका विकास दास ‘म्यान अफ दी म्याच’ घोषित भए ।
भोलि प्रथम सेमीफाइनल खेल निचुटा युथ स्पोट्र्स र बहुअरीपिडारी क्रिकेट क्लबबीच हुनेछ ।
