प्रस, पोखरिया, २९ पुस/
मोटरसाइकल दुर्घटनामा घाइते एकजनाको मृत्यु भएको छ भने दुईजना फरार भएका छन् ।
शनिवार राति डोकैला बहुअरीबाट पोखरिया नगरपालिका–१० घरतर्पm आउने क्रममा तीनजना सवार मोटरसाइकल पटनीस्थित ढोंगही खोलामा खसेको थियो । उनीहरूलाई उद्धार गरी घर लैजाने क्रममा उमेश साह, गठल पटेल बाटोबाटै फरार भएका र पन्नालाल साह गोढलाई घर लगिएको थियो ।
स्थानीयका अनुसार उनले आपूm ठीक भएको र घरमैं आराम गर्ने इच्छा जाहेर गरेपछि अस्पताल नलगेर घरमैं राखिएको थियो ।
बिहान चार बजे उनलाई असहज भएको र पोखरिया अस्पताल पु-याएपछि निधन भएको थियो ।
अस्पतालका डा सुरेश यादवले अस्पतालमा ल्याउँदा गोढको निधन भइसकेको बताए । शव शल्यपरीक्षणको लागि वीरगंज पठाइएको र घटनामा फरार दुईजनाको खोजी भइरहेको इलाका प्रहरी कार्यालय, पोखरियाका प्रहरी निरीक्षक मोहनविक्रम केसीले बताएका छन् ।
