प्रस, वीरगंज, २१ पुस/
माउन्ट एडमन्ड माध्यमिक विद्यालयको ४०औं वार्षिकोत्सव सम्पन्न भएको छ । विद्यालयका प्रबन्ध निर्देशक फजिल मियाँको अध्यक्षतामा भएको कार्यक्रमको मधेस प्रदेशसभाका सदस्य शङ्करप्रसाद चौधरीले उद्घाटन गरेका थिए । उनले विद्यालयका संस्थापक स्व अर्जुन शम्शेर जबराप्रति हार्दिक श्रद्धाञ्जलि अर्पण गरेका थिए ।
कार्यक्रममा ज्येष्ठ नागरिक सङ्घ, पर्साका पूर्वअध्यक्ष पशुपतिविक्रम शाह, वीरगंज महानगरपालिका शैक्षिक प्रशासन महाशाखा प्रमुख अरविन्दलाल कर्ण, नेरेसो, पर्साकी उपसभापति मधु राणा, समाजसेवी उषा राणा, संस्थापक निर्देशिका अञ्जु राणा, प्याब्सन, पर्साका अध्यक्ष पुरन प्रधान, विद्यालय व्यवस्थापन समितिका सदस्य जीतेन्द्रपुरुष ढकाल, ज्ञानदा माविका सिइओ राजेन्द्रप्रसाद कोइराला, जीराभवानी गापाका अध्यक्ष अनुज चौधरीलगायतले शुभकामना मन्तव्य व्यक्त गरेका थिए ।
कार्यक्रममा विद्यालयका निर्देशक रोशन यादवले स्वागत र छात्रा रोशनी साह र मोनिका गोलेले सहजीकरण गरेका थिए ।
