प्रस, पंचगावाँ, १४ पुस/
पटेर्वासुगौली गाउँपालिकामा शनिवार एकजना वृद्धले पासो लगाएर आत्महत्या गरेका छन् । पटेर्वासुगौली गापा–५ स्थित हुलाकी सडकखण्डको मनिहर्वानजीक गाई फार्ममा वीरगंज महानगरपालिका–१६ मिथिलानगरका पुरुषोत्तम क्षत्री पासो लगाएर आत्महत्या गरेको अवस्थामा फेला परेको प्रहरीले जनाएको छ ।
खाली अवस्थामा रहेको गाई फार्ममा क्षत्री झुन्डिएको अवस्थामा फेला परेको वडाध्यक्ष विपिन मुखिया बिनले बताए ।
इलाका प्रहरी कार्यालय, पटेर्वासुगौलीका प्रहरी निरीक्षक रामराजा केशरीले शवलाई शल्यपरीक्षणको लागि नारायणी अस्पताल, वीरगंज पठाएको बताए । झुन्डिएको अवस्थामा भेटिएकोले आत्महत्या देखिएको तर यस विषयमा थप अनुसन्धान भइरहेको उनले बताए ।
