प्रस, परवानीपुर, ५ पुस/
वीरगंजमा जारी सिजी एजुकेशन कपमा बिहीवार सनराइज स्कूल चितवन विजयी भएको छ । दिल्ली पब्लिक स्कूल (डिपिएस) वीरगंजले आयोजना गरेको नवौं संस्करण प्रतियोगिता अन्तर्गत आज भएको दोस्रो खेलमा वीरगंजको जीवनज्योति स्कूललाई शून्यका विरुद्ध चार गोलअन्तरले सनराइज विजयी भएको छ । परवानीपुर–४ चैनपुरस्थित आयोजक विद्यालय डिपिएसको फूटबल मैदानमा आयोजना भएको खेलमा सनराइजका खेलाडीले निर्धारित खेलको १२, १८, २४ र ५९ औं मिनेटमा चार गोल गरेका थिए । जीवनज्योतिले एउटा गोल पनि गर्न सकेन । आजको खेलको उत्कृष्ट खेलाडी सनराइज स्कूल चितवनका उज्ज्वल पटेल घोषित भए । सनराइजको तर्फबाट मनजीत क्षेत्रीले दुई र प्रज्वल तिमिल्सिनाले एक गोल गरेका थिए ।
यसैगरी, ज्ञानदा र कादम्बरीबीच भएको पहिलो खेलमा ज्ञानदाले कादम्बरीलाई दुई गोलका विरुद्ध तीन गोलअन्तरले पराजित गरेको थियो ।
