दिनेश मिश्र, वीरगंज, २७ मङ्सिर/
पोखरिया नगरपालिका कार्यालयको सहयोगमा पोखरिया नपा–६ वडा कार्यालयद्वारा आयोजित पाँचौं मेयरकप टी–२० क्रिकेट प्रतियोगिता अन्तर्गत बुधवार सम्पन्न खेलमा बहुदरमाई नगरपालिकालाई सखुवाप्रसौनी गाउँपालिकाले पराजित गरेको छ ।
पोखरियाको शेरा खेलमैदानमा जारी प्रतियोगितामा आज टस जितेर बहुदरमाई नपाले ब्याटिङ गर्दै निर्धारित २० ओभरमा नौ विकेट गुमाएर १०८ रन बनाएको थियो । प्रतिउत्तरमा सखुवाप्रसौनी गापाले १७ ओभरमा सात विकेट गुमाएर लक्ष्य हासिल गर्दै जितेको थियो । आजको खेलमा २५ बलमा ३८ रन जोडेका सखुवाप्रसौनी गापाका आदित कुमार ‘म्यान अफ दी म्याच’ घोषित भए ।
भोलि बिहीवार धोबिनी गापा र विन्ध्यवासिनी गापाबीच खेल हुने आयोजक कमिटीले जनाएको छ ।
