सिल्कयारा सुरुङ (भारत), १० मङ्सिर/एएफपी
भारतीय सेनाले आइतवार विशेष उपकरणसहित सुरुङभित्र फसेका ४१ जना कामदारलाई बाहिर निकाल्ने प्रयास गरेको छ। कामदारलाई सुङङबाट बाहिर निकाल्ने प्रयास तेस्रो सातामा प्रवेश गरेको छ। बारम्बारको असफलतापछि उनीहरूलाई बाहिर निकाल्नका लागि तीन दिशाबाट खन्ने काम जारी राखिएको छ।
भारतीय हवाई सेनाले तत्परताका साथ काम गरिरहेको आइतवार बताएको छ। हिमाली राज्य उत्तराखण्डको निर्माणाधीन सिल्कयारा सुरुङ मार्ग आंशिकरूमा भत्किएपछि उद्धार कार्यका लागि सेनाले तत्परता देखाएको हो।
इन्जिनीयरहरूले ५७ मिटर चट्टान र कङ्क्रिटबाट धातुको पाइप तेर्साेरूपमा लैजाँदा सुरुङमा पुरिएका धातुका बिम र निर्माण सवारीहरूसँग ठोक्किंदा उद्धारकर्मीहरूले उक्त दुर्गम पहाडी स्थानमा सुपरहिटेड प्लाज्मा कटर ल्याउन आग्रह गरेका छन्।
कामदारसम्म पुग्नुभन्दा नौ मिटरअघि नै एउटा ठूलो बोरिङ मेशीन भाँच्चिएको थियो। हातले खन्ने काम जारी राख्नुअघि बोरिङ ड्रिल र
तेस्रो मार्ग अवरुद्ध पार्ने धातु हटाउनका लागि प्लाज्मा कटिङ मेशीनको प्रयोग गरिनेछ।
भग्नावशेषमा मोटामोटा धातुका बिमले मार्ग बनाउने कामलाई अवरुद्ध पु–याइरहेको छ र सीमित पाइपभित्रबाट ती बिमलाई हटाउन परम्परागत अक्सिएसिटिलिन कटरको प्रयोग गर्न कठिन भएको छ। पाइपभित्र एक व्यक्तिका लागि मात्र घस्रिन पर्याप्त चौडाइ छ।
हवाई सेनाले धेरै विवरण उल्लेख नगरी ‘महत्वपूर्ण’ उक्त उपकरण मुलुकको रक्षा अनुसन्धान तथा विकास सङ्गठनबाट आएको बताएको छ। उक्त सङ्गठन सरकारको रक्षा प्रविधि अनुसन्धान शाखा हो। उत्तराखण्डका मुख्यमन्त्री पुष्करसिंह धामीले ८९ मिटर तल अर्को ठाडो ड्रिलिड्ढो काम भइरहेको शनिवार बताएका थिए। सुरुङ मार्गभन्दा धेरै टाढाबाट पनि काम शुरू भएको छ। यो तेस्रो मार्ग करीब ४८० मिटर लामो रहेको अनुमान गरिएको छ।
मङ्गलवार सुरुङभित्र फसेका कामदारहरूलाई पहिलोपटक जीवित देखिएको थियो। उद्धारकर्मीहरूले एउटा पातलो पाइपको माध्यमबाट पठाइएको एन्डोस्कोपिक क्यामेराको लेन्सलाई उनीहरूले हेरिरहेको देखिएको थियो। सोही पाइपमार्फत उनीहरूलाई हावा, खाना, पानी र बिजुली पु–याइएको
थियो। भग्नावशेष खस्ने र ड्रिलिङ मेशीन बारम्बार बिग्रिंदा उद्धार प्रयास सुस्त र जटिल भएको छ। रासस
