बलिराम शुक्ला, बिरुवागुठी, ३ कात्तिक/
पर्सागढी नगरपालिका–१ मा जारी खसियाही गढीमाई गोल्डकप फूटबल प्रतियोगिता अन्तर्गत शुक्रवार भएको क्वार्टरफाइनलमा बिरुवागुठी युथ क्लब, बडनिहार विजयी भएको छ ।
बिरुवागुठी युथ क्लब, बडनिहारले महावीर युथ क्लब, सोलखपुरलाई शून्यका विरुद्ध तीन गोलअन्तरले पराजित गर्दै सेमिफाइनलमा प्रवेश गरेको छ । बिरुवागुठीका राधे चौधरी, क्षितिज तामाङ र राजेन्द्र चौधरीले एक/एक गोल गरेका थिए । भोलि अन्तिम क्वार्टरफाइनल खेलमा वीरगंज सिटी क्लब र वनशक्तिमाई युवा क्लब, सिद्धपुर भिड्ने आयोजक कमिटीका अध्यक्ष मदन पटेलले बताए ।
