प्रस, पर्सागढी, २७ असोज/
पर्सागढी नगरपालिकामा शनिवारदेखि युवा स्पोटर््स क्लब बढनिहारको आयोजनामा स्व. सञ्जय पाठकको स्मृतिमा प्रथम वडादशैं फूटबल प्रतियोगिता शुरू भएको छ ।
पर्सागढी नपा–४ मा आयोजित प्रतियोगिताको अन्तर्राष्ट्रिय फूटबलका खेलाडी ऋतु शाक्यले उद्घाटन गरेका थिए ।
उनले खेल मानिसको शरीरका लागि अत्यावश्यक कुरा भएको बताए । उनले खेलका लागि सबैले समय प्रदान गर्नुपर्ने सुझाए ।
क्लबका अध्यक्ष राम थापाको अध्यक्षतामा भएको उद्घाटन समारोहमा वडाध्यक्ष सुकमान तामाङ, रामचन्द्र थारू, चन्द्रबहादुर गुरुङलगायतले सफलताको शुभकामना व्यक्त गरेका थिए ।
कार्यक्रमको सहजीकरण दिलीप दास थारू र स्वागत बलराम आचार्यले गरेका थिए ।
उद्घाटन खेलमा न्यु महावीर क्लब सोलखपुर विजयी भएको छ । वनशक्ति युवा क्लब सिदपुरलाई शून्यका विरुद्ध दुई गोलले सोलखपुर विजयी भएको हो ।
